QINEQQUSAARNERMI PROGRAMMI
Nunat atlantikup avannaaniittut suleqatigiinnerat
2001-mi IA-p, Siumup aamma Savalimmiuni partiip Tjóðveldip Danmarkimi oqallinnermi ersarissorujunngortippaat atlantikup avannaani qinikkat, tamannali tulleqqinneqarnikuunngilaq.
Ullumikkut inissisimanerput ima ajortigaat allaat kalaallit nunaanni qinikkat imminnut suleqatigiissinnaanatik. Iluamik oqassagutta folketingimi ilaasortaatitatta marluk Kalaallit Nunaat iluaquserniarlugu suleqatigiinnatik piffissartik atorpaat kimmaaterujoornermut.
Kalaallit Nunaata nipaa Folketingimi taamaasilluni nukillaarsarneqartarpoq – tamannalu ajoraluaqaaq. Kalaallit Nunaata pisariaqartippat Folketingimi nipit qassaarissut.
Taamaattumik Demokraatini ilungersorluta sulissutiginiarparput folketingimi ilaasortat nunani atlantikup avannaani qinigaasut suleqatigeeqqilernissaat, tamannali ajornassappat ilaasortat kalaallit nunaanneersut marluk pisortatigoortumik suleqatigiinnerunissaat anguniassavarput.
